اللي مارح تدخل خسرانه>>العن ابو اسلوب التشويق

هااااااااااااااااااااااااااااااااااااي
اخباركم مع اجازتنا الجميلة>>امحق من اجازة

المهم ما علينا

اليوم جبت لكم حاجة
انما ايه رهيبة
هكسر فيها الدنيا>>قلبت الاخت مصري

المهم..
انا بدخل بالسالفة بدون لف ولا دوران..
السالفة وما فيها..

((>>>>كيف تهتمي بأظافرك>>))
انا بعطيكم بعض الخلطات اللي انا استعملتها شخصيا
والصراحة كان في فايدة..
خلينا نبدأ
اول شي اذا تلاحظوا ان اغلبية البنات نادرا ماتلاقيها
عليها اظافر تقولي خياطة فلبينية
بس لازم تهتموا شوي..
وبالنسبة انا رح اقول وش اسوي بجلسة العناية>>اخس ياحررررركات
****ــــــــــــــــــــــــــــــــــــــــــــــ ـــــــــــــــــــــــــــــــــــــــ****
اول شي..::..
تروحي وتغسلي يدك ..

ثاني شي..::..
تاخذين ليمونة و تقسميها نصين و
تدخلين يدك فيها وتخليها 10 دقايق

ثالث شي..::..
تاخذين بياض البيض وتحطيه على يدك لمدة 5 دقايق
وبعدها تغسليه بالصابون..
هذا يشد اليد ..

رابع شي..::..
تروحي وتخلطي زيت زيتون+سكر =وصفة رهيبة تخفف السواد
اللي في اليدين وتنعمها وبالعموم هو تقشير لليد
وتقدري تستخدميه على جسمك، المهم وتغسلي
يدك بس بالموية بدون صابون وبتشوفي نعومة ولا اروع..

خامس شي..::..
تجيبي فازلين((اللوشن اللي لونه زهري))
ترا والله استخدامه المتكرر والله يخلي الجلد اللي حولين الاظفر
طري ..

سادس وآخر شي..::..
في كريم في الصيدلية لون علبته بيجية
قبل ما تنامي تحطيه على الظفر بس وطبعا تحطي اي كريم انتي تحبيه..****ــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ****
****ــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ****
وفي بعض البنات تاكل اظافرها انا كنت كذا بس يوم صرت اشوف يدين الفنانات
قلت موهم احسن مني
ورحت الصيدلية وفي مناكير بس طعمه مر مر مر يقرف يخليك تكرهين تاكلين اظافرك
واذا ما فاد كل ما تذكرتي انك جالسة تاكلين اظافرك اجلسي عليها>>مجربة

****ــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ****
واذا كنتي تعاني من ان اظافرك باليالله تطول انا عندي الحل
تاخذين فص ثوم وتفركين اظافرك فيه ولا تتقرفي من ريحته
لأنه يقولك>>>من بغا الدح ما قال اح..
والحل الثاني تروحي وترمي كل المقصات في البيت
وتنزلي تشتري مبرد ((خشب)) واحسن شي من مكياجي
تلاقيه بـ30 او 40 ريال..
****ــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ****
وآخر شي لا تستخدمي المزيل للمناكير اكثر من مرة في الاسبوع
علشان ماينشف الظفر وحاولي تبتعدي عن المناكير الغامق..
****ــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ****
وتذكري انك لو حطيتي مناكير واظافرك مو صحية مارح يطلع مميز
والعكس صحيح..
وطبعا كل هذا يبيله الاستمرار يعني كحد ادنى 4 ايام في الاسبوع

وسوري طولت عليكم بس ودي اقول لكم اذا اي وحدة عندها اي سؤال
عن الاظافر ترسلي على الخاص وانا ادور لها حل>>على بالها بروفيسورة

وهلله هلله بالردود اللي تبيض الوجه لا اوصيكم ترا تعبت وانا اكتب